नंदूरबार l प्रतिनिधी
नंदुरबार येथील तुलसी क्रिटीकेअर क्लिनिकचे डॉ.रोशन भंडारी यांना 2021 -22 चा आरोग्य भूषण पुरस्कार जाहीर झाला आहे.उद्या दि.१२ एप्रिल रोजी मुंबईत आरोग्य मंत्री डॉ. राजेश टोपे यांच्या हस्ते पुरस्कार प्रदान करण्यात येणार आहे.
सह्याद्री उद्योग समूहातर्फे विविध क्षेत्रातील मोलाची कामगिरी बजावणाऱ्या संस्था व व्यक्तीच्या विशेष पुरस्कार प्रदान करून सन्मान करण्यात येत असतो. कोरोना काळात विशेष म्हणजे मार्च-एप्रिल 2021 दरम्यान कोरोनाच्या दुसऱ्या लाटेत आपल्या वैद्यकीय ज्ञानाचा वापर करीत, माणूस सेवेची भावना जोपासत स्वतः कुटुंबाची जीवाची परवा न करता केलेल्या रुग्णसेवा ही सर्वश्रेष्ठ सेवा मानून डॉ.रोशन भंडारी यांना आरोग्य भूषण पुरस्कार जाहीर झाला आहे. खानदेश विभागातून त्यांची निवड करण्यात आली असून मुंबई येथे दि.१२ एप्रिल रोजी रंगसावर सभागृह यशवंत चव्हाण सेंटर येथे दुपारी ३ वाजता राज्याचे आरोग्य मंत्री डॉ. राजेश टोपे यांच्या हस्ते त्यांना गौरविण्यात येणार आहे.आरोग्य भूषण पुरस्काराबद्दल डॉ.रोशन भंडारी यांचे सर्व स्तरातून अभिनंदन केले जात आहे.
