नंदुरबार | प्रतिनिधी
शहादा शहरातील जामामस्जिद जवळ पोलीसाची कॉलर पकडून मारहाण करत सरकारी कामात अडथळा आणल्याप्रकरणी दोघांविरूध्द गुन्हा दाखल करून एकास अटक करण्यात आली आहे.
याबाबत पोलीस सुत्रांनी दिलेल्या माहितीनुसार, शहादा शहरातील जामामस्जिद समोर पोलीस शिपाई अनिल पावरा हे शासकीय काम करीत असतांना नरेंद्र बाबुलाल बागुल हे आले असता त्यांना रस्ता बंद आहे दुसर्या रस्त्याने जात असे अनिल पावरा यांनी सांगितले. याचा राग आल्याने नरेंद्र बाबुलाल बागुल, दिपक सुभाष बागुल रा.वडछील (ता.शहादा) यांनी पोलीस शिपाई अनिल पावरा यांची कॉलर पकडून कानशिलात मारली व शिवीगाळ करीत सरकारी कामात अडथळा आणला म्हणून पोलीस शिपाई अनिल पावरा याच्या फिर्यादीवरून नरेंद्र बाबुलाल बागुल, दिपक सुभाष बागुल यांच्या विरूध्द शहादा पोलीस ठाण्यात भादंवि कलम ३५३, ३३२, २९४, ३२३, ५०४, ३४ प्रमाणे गुन्हा दाखल करण्यात आला आहे. याप्रकरणी पुढील तपास पोसई जितेंद्र पाटील करीत असून यातील नरेंद्र बागुल याला अटक करण्यात आली आहे.
