नंदुरबार l प्रतिनिधी
नवापूर शहरातील मंगलदास पार्क येथे १ लाख ३५ हजाराची वीज चोरी केल्याचे आढळून आल्याने गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर शहरातील मंगलदास पार्क येथील सरलाबाई पंढरीनाथ ईशी यांनी मागील ८३ महिन्यांपासून वीज चोरी केल्याचे आढळून आले. एकूण १ लाख ३५ हजार ७४० रुपये किंमतीची ८ हजार ६५४ युनिटची वीज चोरी केली. याबाबत महावितरण कंपनीचे भरारी पथकातील अतिरीक्त कार्यकारी अभियंता बकुळ रामदास मानवटकर यांच्या फिर्यादीवरुन नंदुरबार शहर पोलिस ठाण्यात भारतीय विद्युत कायदा २००३ चे कलम १३५ प्रमाणे गुन्हा दाखल करण्यात आला आहे.