नंदुरबार l प्रतिनिधी
शहादा तालुक्यातील कहाटूळ रस्त्यावर दुचाकीने पायी जाणाऱ्या १८ वर्षीय तरुणीस धडक दिल्याने तिचा मृत्यू झाल्याची घटना घडली. याप्रकरणी दुचाकी चालकाविरुद्ध शहादा पोलिस ठाण्यात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील कहाटूळ येथील सुमित्रा संजय मोरे ही तरुणी कहाटूळ रस्त्याने पायी जात होती. यावेळी मनिष हंडू नगराळे रा.जयनगर ता.शहादा याने त्याच्या ताब्यातील दुचाकी रस्त्याच्या परिस्थितीकडे दुर्लक्ष करुन भरधाव वेगात दुचाकी चालवून पायी जाणाऱ्या सुमित्रा मोरेला धडक दिली. यात तिच्या डोक्यास गंभीर दुखापत झाल्याने तिचा मृत्यू झाला. अपघातानंतर दुचाकी चालक घटनास्थळावरुन पसार झाला याबाबत राजू शंकर मोरे यांच्या फिर्यादीवरुन शहादा पोलिस ठाण्यात मनिष नगराळे याच्याविरोधात भादंवि कलम ३०४ (अ), २७९, ३३७, ३३८ सह मोटार वाहन कायदा कलम १८४, १३४/१८७ प्रमाणे गुन्हा दाखल करण्यात आला आहे. पुढील तपास पोहेकॉ.दीपक परदेशी करीत आहेत.