नवापूर l प्रतिनिधी
नवापूर तालुक्यातील बिलदा येथील युवकाचा खुनाचा गुन्हा अवघ्या 4 तासात उघड करण्यात विसरवाडी पोलिसांना यश आले असून अनैतिक संबंधाच्या संशयातुन गावातील व्यक्तीनेच युवकाचा खुन केल्याचे उघड झाले.याप्रकरणी तिघांना अटक करण्यात आली आहे.
याबाबत पोलीस सूत्रांनी दिलेल्या माहितीनुसार, दि . 20. मार्च 2022 रोजी तारापुर डुगली , ता . नवापुर येथील शेतशिवारात एक 30 वर्षीय युवकाचे प्रेत मिळुन आले . सदरची माहीती विसरवाडी पोलीस स्टेशन येथे मिळताच विसरवाडी पोलीस पथक तात्काळ घटनास्थळी पोहचुन मयत युवकाबद्दल माहीती काढली असता सदरचा मयत युवक हा बिलदा , ता . नवापुर येथील पराग सुरेश वळवी नामक असल्याचे समजले . सदर मयताच्या गळ्यावर व गुप्तांगावर जखमा असल्याने अनैतीक संबंधातुन गुन्हा घडला असल्याचा पोलीसांना अंदाज आला . गुन्ह्याचे गांभिर्य लक्षात घेता नंदुरबार अप्पर पोलीस अधिक्षक विजय पवार , व उपविभागीय पोलीस अधिकारी सचिन हिरे यांनी लागलीच घटनास्थळी धाव घेतली . सदर बाबत मयताच्या वडीलांच्या फिर्यादीवरुन विसरवाडी पोलीस ठाण्यात भादंवि कलम 302 प्रमाणे गुन्हा नोंद करण्यात आला होता . सदर गुन्ह्याच्या तपासात पोलीसांनी घटनास्थळावरील परिस्थीतीजन्य पुरावा , तात्रीक पुरावा साक्षिदार व इतर बाबी तपासल्या असता सदर मयताचे घरासमोर राहणारे विनायक गुलामजी वळवी , मंगलदास उर्फ सावन विनायक वळवी व रमुबाई विनायक वळवी यांच्या हालचालींवर संशय आल्याने त्यांना ताब्यात घेवून विचारपुस केली . परंतु बराच वेळ चौकशी करुन देखील उपयुक्त माहीती त्यांच्याकडून मिळत नव्हती . त्याच दरम्यान पोलीसांनी एका महिलेस विश्वासात घेवुन विचारपुस केली असता तिचे चारित्र्याच्या संशयावरुन मंगलदास उर्फ सावन , सासरा विनायक वळवी व सासु रमुबाई वळवी यांनी मयत पराग वळवी यास मारल्याचे कबुल करुन रात्री घडलेला सर्व घटनाक्रम पोलीसांना दाखविला . सदर बाबत खात्रीशिर माहीती मिळाल्याने आरोपीतांना पोलीसी खाक्या दाखविताच आरोपीतांनी गुन्हा केल्याचे कबुल केले आहे . सदरची कारवाई ही पोलीस अधिक्षक पी . आर . पाटील, अपर पोलीस अधिक्षक विजय पवार , उपविभागीय पोलीस अधिकारी सचिन हिरे यांच्या सुचना व मार्गदर्शनाखाली विसरवाडी पोलीस स्टेशनचे प्रभारी अधिकारी नितीन एस . पाटील , पोउपनि भुषण व्ही . बैसाणे , पोहेकॉ नरेंद्र वळवी , पोहेकॉ दिनेश चित्ते , पोना राजु कोकणी , पोना अनिल राठोड , पोकॉ लिनेश पाडवी , पोकॉ अतुल पानपाटील , पोकॉ देवेंद्र हिरे , पोकॉ नितीन सोनवणे , पोकॉ दारासिंग पावरा , पोकॉ पिंटु पावरा , मपोकॉ गंगा तायडे तसेच स्थानिक गुन्हे शाखा नंदुरबार येथील पोकॉ राजेंद्र काटके व पोना दादाभाई मासुळ यांनी केलेली आहे .
