नंदुरबार | प्रतिनिधी-
गव्हाळी गावाजवळ पुलावर झालेलया कारचा अपघात धावत्या दुचाकीने जातांना पाहत असल्याने समोरून येणार्‍या ट्रकवर धडकल्याने दुचाकीस्वार युवक जागीच ठार झाल्याची घटना घडली. तसेच एक जण गंभीर जखमी झाला आहे.
तळोदा तालुक्यातील शिर्वे येथील हिरालाल सुकलाल वळवी (२५)व अक्कलकुवा तालुकयातील मोठी राजमोही येथील आकाश कैलास वळवी हे दोघे दुचाकीने डोडवा येथे जात होते. यावेळी नेत्रंग- शेवाळी महामार्गावरील गव्हाळी गावाच्या जिरा नदी पुलावर कारचा अपघात झाला होता. त्यामुळे दुचाकीस्वार हिरालाल वळवी हा कारचा अपघाताकडे बघून दुचाकी चालवित होता. त्यामफळे समोरून येणार्‍या ट्रकवर (क्र.एम.एच.९११४) दुचाकी जावून धउकली. ट्रकच्या पुढील चाकात आल्याने दुचाकीस्वार हिरालाल सुकलाल वळवी हा युवक जागीच ठार झाला. तर त्याच्यामागे बसलेला आकश कैलास वळवी हा गंभीर जखमी झाला असून उपचारासाठभ् गुजरात राज्यातील सागबारा येथील रूग्णालयात दाखल करण्यात आले आहे. या अपघातामुळे जिरी नदीच्या पुजलावर वाहतुकीची कोंडी होवून वाहनाच्या रांगा लागल्या होत्या. घटनेची माहिती मिळताच अक्कलकुवा खापर पोलीसांनी त्याठिकाणी जावून मदतकार्य करीत वाहतुक सुरळीत केली.
