प्रवासी वाहतूक करणारी बोलेरो गाडी खोल दरीत कोसळली, अपघातात नऊ जण जखमी, दोघांची प्रकृती गंभीर

म्हसावद l प्रतिनिधी
शहादा तालुक्यातील नागझीरी गावाजवळ प्रवासी वाहतूक करणारी मॅक्स बोलेरो गाडी खोल दरीत कोसळल्याने कोठबांधणी येथील नऊ जण जखमी झाले असून, पैकी दोघांची प्रकृती गंभीर असल्याने नंदुरबार जिल्हा रूग्णालयात पाठवण्यात आले आहे. जखमींवर म्हसावद ग्रामीण रूग्णालयात ऊपचार सुरू आहेत.

याबाबत सविस्त वृत्त असे की ,आज दि.१८ फेब्रुवारी रोजी सकाळी नऊ वाजता कोटबांधणी येथून मॅक्स बोलेरो गाडी ( क्र.एम.एच.7389) शहादाकडे प्रवासी बसवून आणत असताना नागझीरी गावाजवळ उमरापाणी फाट्यालगत ऊतारावर चालकाचे गाडीवरील ताबा सुटल्याने गाडी खोल दरीत कोसळली. या अपघातात आबला नानका भील,टेंबलीबाई हेलक्या भील,पाण्या पाणसिंग शिंदे,सोन्या आबल्या भील,वसंतीबाई आबला भील,हिराबाई सोन्या भील,आपसिंग सावऱ्या भील,लाडकीबाई आपसिंग भील,एकट्या अजय भील हे जखमी झाले.पैकी दोघे गंभीर जखमी असल्याने नंदुरबार जिल्हा रूग्णालयात ऊपचारासाठी पाठवण्यात आले आहे.जखमींवर म्हसावद ग्रामीण रूग्णालयात ऊपचार सुरू आहेत. गाडीचा चालक मंगलसिंग पाण्यासिंग भील रा.केलीखेत,ता.पानसेमल, जि.बडवाणी याच्याविरोधात गुन्हा दाखल करण्यात आला आहे.पुढील तपास पोलीस निरीक्षक निवृत्ती पवार,राजेंद्र चव्हाण करीत आहेत.