नंदुरबार | प्रतिनिधी
नंदुरबार येथील जिल्हा परीषद कृषि विभाग व रामा कृषि रसायन यांच्यातर्फे सिंगल सूपर फॉस्फेट खताच्या वापराबाबत जागरूकता निर्माण करण्यासाठी फिरत्या प्रचार वाहनास अध्यक्षा ॲड.सीमा वळवी, कृषि सभापती गणेश पराडके, मुख्य कार्यकारी अधिकारी रघूनाथ गावडे, अति.मूख्य कार्यकारी अधिकारी प्रमोदकुमार पवार,जिल्हा अधिक्षक कृषि अधिकारी निलेश भागेश्वर,जिल्हा कृषी विकास अधिकारी पी.एस.लाटे यांच्या हस्ते हिरवी झेंडी दाखवून शुभारंभ करण्यात आला.
शेतकर्यांनी सिंगल सुपर फॉस्फेट खताचा वापर वाढवावा फॉस्फेटिक खतामध्ये डीएपी खतानंतर सिंगल सुपर फॉस्फेट हे सर्वाधिक लोकप्रिय खत आहे. तसेच एसएसपी हे देशांतर्गत तयार होत असून ह्यामध्ये फॉस्फरस, सल्फर, कॅल्शियम तसेच काही प्रमाणात सूक्ष्म अन्नद्रव्ये आढळून येतात. सल्फर अन्नद्रव्यामूळे तेलबिया व कांदा पिकांमध्ये एसएसपी खताचा वापर फायदेशिर ठरणार आहे. शेतकर्यांनी सिंगल सुपर फॉस्फेट खताचा वापर वाढवावा असे आवाहन अध्यक्षा ऍड.सीमा वळवी यांनी केले.तसेच कृषि सभापती पराडके यांनी सिंगल सुपर फॉस्फेट खत हे शेतकर्यांसाठी वरदान असल्याचे सांगितले. एसएसपी सारख्या सरल खतापासून मिश्र खताच्या ग्रेड तयार करता येतात. त्यामूळे अतिरिक्त सूक्ष्म अन्नद्रव्येही उपलब्ध होतात. नंदूरबार जिल्ह्यात मिरची, कांदा इ. पिके मोठ्या प्रमाणावर घेतली जातात. ह्या पिकांना नत्र, स्फूरद, पालाश या घटकांबरोबरच सल्फर, बोरॉन, कॅल्शियम व झिंक या दुय्यम घटकांची देखिल गरज असते. यासाठी सिंगल सुपर फॉस्फेट खत हे अत्यंत उपयूक्त असल्याचे कृषि विकास अधिकारी पी.एस.लाटे यांनी सांगितले.यावेळी मोहिम अधिकारी महेश विसपूते, जिल्हा कृषि अधिकारी (विघयो) एल.डी.भोये, नंदुरबार पंचायत समिती कृषि अधिकारी योगेश हिवराळे, रामा कृषि रसायन कंपनीचे अधिकारी एन.एम.गौतम,हर्षल भामरे हे उपस्थित होते.