नंदुरबार l प्रतिनिधी
भादवड ता. नवापूर येथे दुचाकीने धडक दिल्याने ५२ वर्षीय इसम ठार झाला . तर दुचाकीवरील दोघांना दुखापत झाली असून याप्रकरणी विसरवाडी पोलिस ठाण्यात दुचाकी चालकाविरूद्ध गुन्हा दाखल करण्यात आला आहे .
याबाबत पोलिस सूत्रांनी दिलेल्या माहितीनूसार , नवापूर तालुक्यातील भादवड येथील शिड्या गोबजी वळवी हे शौचालयास गेले होते . यावेळी विशाल विलास वळवी रा.बर्डीपाडा खांडबारा ता . नवापूर हा दुचाकीवर ( क्र.एम.एच .२ ९ एएफ ४२५१ ) विश्वास वळवी यास बसवून खांडबाराकडून भादवडकडे जात असतांना रस्ता ओलांडणान्या शिड्या वळवी यांना जबर धडक दिल्याने त्यांचा मृत्यू झाला . तसेच दुचाकी चालक विशाल वळवी व विश्वास वळवी यांनाही दुखापत झाली . याबाबत महेंद्र शिड्या वळवी यांच्या फिर्यादीवरुन विसरवाडी पोलिस ठाण्यात संशयित विशाल वळवी याच्याविरुद्ध भादंवि कलम ३०४ ( अ ) , २७ ९ , ३३७ , मोटार वाहन कायदा कलम १८४ प्रमाणे गुन्हा दाखल करण्यात आला आहे . पुढील तपास पोहेकॉ . विश्वास गावित करीत आहेत .