नंदुरबार l प्रतिनिधी
नंदुरबार येथील तहसील कार्यालयात आज झालेल्या संजय गांधी निराधार अनुदान योजना समितीच्या बैठकीत 773 पैकी 523 मंजूर करण्यात आली तर 110 प्रकरणे नामंजूर करीत 140 प्रकरणांची पूर्तता करण्यात आली.
नंदूरबार तहसील कार्यालयात आज दि.5 फेब्रुवारी रोजी संजय गांधी निराधार अनुदान योजना समितीची बैठक समितीचे अध्यक्ष देवमन तेजमल पवार यांच्या अध्यक्षतेखाली संपन्न झाली .या बैठकीत तहसिल कार्यालय नंदुरबार कडे महा – ई – सेवा केंद्रामार्फत प्राप्त झालेल्या अर्जाची शासन निर्णयानुसार पडताळणी करण्यात येवून त्यावर निकषानुसार पात्र , अपात्र व पुर्ततेसाठी निर्णय घेण्यात आला. यात संजय गांधी निराधार अनुदान योजना 164 , श्रावणबाळ सेवा राज्य निवृत्ती वेतन योजना 167 , इंदिरा गांधी राष्ट्रीय वृध्दापकाळ निवृत्ती वेतन योजनेना 112 , इंदिरा गांधी राष्ट्रीय विधवा निवृत्ती वेतन योजना 78 तर इंदिरा गांधी राष्ट्रीय विकलांग निवृत्ती वेतन योजनेचे 2 असे एकूण 523 मंजूर करण्यात आली तर 110 प्रकरणे नामंजूर करीत 140 प्रकरणांची पूर्तता करण्यात आली. या समितीच्या बैठकीत प्रास्ताविक तहसीलदार तथा सदस्य सचिव संगायो समिती भाऊसाहेब थोरात, तर आभार नायब तहसिलदार नितीन पाटील ,यांनी केले . बैठकीस संजय गांधी समिती सदस्य रविंद्र भरतसिंग गिरासे , स्वरुप किशोर बोरसे , इकबाल सुलेमान खाटीक, भास्कर सुकलाल पाटील , श्रीमती रंजनाबाई राजेश नाईक ,रविंद्र गोपीनाथ पठाडे हे उपस्थित होते . तर अर्जाची योजनानिहाय वर्गवारी करणे , कागदपत्रांची पडताळणी करणे यासाठी श्रीमती मंगला वसावे , श्रीमती प्रिती पाटील , गणेश पाचोरे तसेच चेतन सोनार यांनी कामकाज पाहिले .
