नंदुरबार | प्रतिनिधी-
शहादा येथून अल्पवयीन मुलीला अज्ञात व्यक्तीने फुस लावून पळवून नेल्याची घटना घडली.
याबाबत पोलीस सुत्रांनी दिलेल्या माहितीनुसार, शहादा येथील गोकूळधाम पार्कमधील ११ वर्ष ८ महिने वयाची अल्पवयीन मुुलगी दि.८ डिसेंबर रोजी चावरा इंग्लिश मेडीयम स्कुलमध्ये गेली होती. मात्र, ती परत घरी आली नाही. तिचा सर्वत्र शोध घेतला मात्र ती आढळून आली नाही. त्यामुळे तिच्या पालकांनी शहादा पोलीस ठाण्यात फिर्याद दाखल केली आहे. त्यानुसार अज्ञात व्यक्तीविरुद्ध अपहरणाचा गुन्हा दाखल करण्यात आला आहे. पुढील तपास हेकॉ अशोक कोळी करीत आहेत.
