सैनिकी शाळेत सरदार वल्लभभाई पटेल जयंती उत्साहात साजरी
नंदुरबार l प्रतिनिधी-
पथराई ता. जि.नंदुरबार के. डी.गावित सैनिकी विद्यालय व कनिष्ठ विज्ञान महाविद्यालयात लोहपुरुष सरदार वल्लभभाई पटेल यांची जयंती उत्साहात साजरी करण्यात आली.
कार्यक्रमाच्या अध्यक्षस्थानी प्राचार्य शरद पाटील होते तर प्रमुख अतिथी म्हणून विकास पाटील हे उपस्थित होते.
भारताला स्वातंत्र्य मिळाल्यानंतर भारतीय विविधतेतून एकता साधण्यासाठी सरदार वल्लभभाई पटेल यांनी अतुलनीय साहस दाखविले. आपणही ‘राष्ट्र प्रथम’ ही भावना ठेवून राष्ट्रीय एकात्मता कायम राहील यासाठी प्रयत्न केला पाहिजे असे मत प्राचार्य पाटील यांनी व्यक्त केले.
कार्यक्रमाचे सूत्रसंचालन व आभार प्रदर्शन प्रा.ज्ञानेश्वर गवळे यांनी केले. कार्यक्रमास सर्व शिक्षक शिक्षकेतर कर्मचारी तसेच विद्यार्थी उपस्थित होते.
कार्यक्रमाचे आयोजन प्रा.अमरजित आरंभी यांनी केले.
