नंदुरबार l प्रतिनिधी
महाविकास आघाडी तथा काँग्रेसचे उमेदवार किरण तडवी यांनी शहरात प्रचाराला सुरुवात केलेली आहे. गुरुवार व शुक्रवार या दोन दिवसात विविध प्रभागातून प्रचार रॅली काढण्यात आली. यावेळी उमेदवार किरण तडवी यांचे ठिकठिकाणी स्वागत करण्यात येऊन विजयासाठी त्यांना आशीर्वाद देण्यात आला.
काँग्रेसचे उमेदवार किरण तडवी यांना विधानसभा मतदार संघात उत्तम प्रतिसाद मिळत आहे. ज्या ज्या ठिकाणी प्रचार फेऱ्या काढण्यात आल्या त्या-त्या सर्वच ठिकाणी मतदारांनी त्यांचे स्वागत करीत विजयाच्या आशीर्वाद दिला. मतदार संघातील ग्रामीण भागाप्रमाणेच शहरी भागात सुद्धा त्यांना चांगला प्रतिसाद मिळत आहे. उमेदवार किरण तडवी यांच्या प्रचार गीतांच्या माध्यमातून वातावरण ढवळून निघत आहे. ज्या ठिकाणी प्रचार फेरी असते त्या ठिकाणी महाविकास आघाडी तथा काँग्रेसच्या जाहीरनाम्याचे वाटप कार्यकर्त्यांकडून करण्यात येत असते.
गुरुवार व शुक्रवारी या दोन दिवसात शहरातील विविध प्रभागातून प्रचार रॅली काढण्यात आली. ढोल ताशांच्या गजर व मागोमाग कार्यकर्त्यांच्या घोषणाबाजीमुळे परिसर ढवळून निघत आहे. ठिकठिकाणी महिला भगिनींकडून उमेदवार किरण तडवी यांचे औक्षण करण्यात येत आहे. पहिल्यांदाच निवडणुकीला उभा असल्यामुळे जनतेने सेवेची संधी द्यावी. असे आवाहन ते करीत आहेत. यावेळी माजी नगरसेवक किरण रघुवंशी, माजी सभापती कैलास पाटील, माजी नगरसेवक यशवर्धन रघुवंशी,,दीपक दिघे,विलास रघुवंशी,रवींद्र पवार,चेतन वळवी, मोहितसिंग राजपूत यांच्यासह पदाधिकारी कार्यकर्ते व प्रभागातील नागरिक उपस्थित होते.
