नंदुरबार l प्रतिनिधी-
भारतीय जीवन विमा निगम (एलआयसी ऑफ इंडीया) नंदुरबार येथे अरुण महाजन यांना लाईफ इन्शुरन्स कंपनीतील सर्वात महत्त्वाचा मोठा बहुमान एमडीआरटी-२०२४ (मिलियन डॉलर राऊंड टेबल) मिळाला. एलआयसीतर्फे अरुण महाजन यांना सतत पाचव्यांदा एमआरटी बहुमान मिळाला आहे.
जे प्रतिनिधी दरवर्षी एमडीआरटीचे ठरलेले उद्दीष्ठ पूर्ण करतात त्यांना विमा कंपनीतर्फे एमडीआरटी म्हणून घोषीत करण्यात येते. कामात सातत्य आणि ग्राहकांना उत्तम सेवा दिल्याबद्दल प्रतिनिधींची शिफारस केली जाते. त्यात अरुण श्रीराम महाजन गेल्या पाच वर्षापासून पात्र ठरत आहेत. नंदुरबार शाखेतील सलग पाचव्यांदा एमडीआरटीचा बहुमान मिळवणारे ठरले आहेत.
यावर्षी नंदुरबार एलआयसी शाखेत अरुण महाजन यांचा एमडीआरटीमध्ये प्रथम क्रमांक आला. त्यांचा नंदुरबार येथील एलआयसी शाखेत गौरव करण्यात आला. यावेळी नंदुरबार शाखाधिकारी सौरव कुमार, उपशाखाधिकारी सोमेश्‍वर भालके, विकास अधिकारी प्रकाश चव्हाण, सौ.भारती महाजन, सौ.कविता महाजन, डेव्हलमेंट ऑफीसर, एजंट व कर्मचारी उपस्थित होते.
