नंदूरबार l प्रतिनिधी
संभाजीनगरच्या हायकोर्टात वकिली व्यवसाय करणारे ॲड.गजेंद्र भंसाली यांची अखिल भारतीय फलोदी जैन श्री संघच्या राष्ट्रीय उपाध्यक्ष पदी नियुक्ती करण्यात आली.
राजस्थान राज्यातील फलोदी शहरातील मूळ निवासी देशात विविध शहरात वास्तव्यास आहेत. त्याअनुषंगाने संघटनसाठी अखिल भारतीय फलोदी जैन श्री संघची स्थापना करण्यात आली होती. संघ द्वारे राष्ट्रीय संमेलन तसेच जैन तीर्थ यात्रा इत्यादी धार्मिक व सामाजिक कार्यक्रम आयोजित केले जातात. कार्य समितीची बैठक घेण्यात आली होती. छत्रपती संभाजीनगरच्या हायकोर्टात वकिली व्यवसाय करणारे ॲड. गजेंद्र देविचंंदजी भंसाली यांची अखिल भारतीय फलोदी जैन श्री संघच्या राष्ट्रीय उपाध्यक्ष पदावर पुढील तीन वर्षांसाठी सर्वानुमते निवड करण्यात आली.
ॲड भंसाली हे श्री अखिल भारतीय खरतरगच्छ युवा परिषद, महावीर इंटरनॅशनलचेही सदस्य आहेत. भारताची नामांकित आय. एल.एस. लॉ कॉलेज पुणे येथून गुणवत्ता यादीत एल.एल.बी. ची डिग्री, डिप्लोमा इन सायबर लॉ सोबत पुणे विद्यापीठहून एल.एल.एम. ची डिग्री संपादित केली आहे. उत्साही व कर्मठ कार्यकर्ता आहेत. सर्वत्र सन्मान व अभिनंदन होत आहे.
