म्हसावद । प्रतिनिधी:
विद्या गौरव प्रायमरी व गौरव सेकंडरी इंग्लिश मेडियम स्कूल आमलाड ता.तळोदा येथे आषाढी एकादशी मोठ्या उत्साहात साजरी करण्यात आली.प्रास्तविक व सूत्रसंचालन शिक्षिका समीक्षा मगरे यांनी केले.
यानिमित्त विठू रुक्माई च्या गजरात पालखी सोहळा ( रॅली) काढण्यात आली यावेळी परिसरातील महिलांनी विठुरायाच्या पालखीचे पूजन केले. शाळेचे मार्गदर्शक ललित पाठक यांच्या हस्ते विठुरायांच्या पालखीचे व प्रतिमेचे पूजन केले तसेच इयत्ता ५ वी ते ८ वी च्या विद्यार्थ्यांनी पाण्याचे व्यवस्थापन या विषयावर नृत्य व ड्रामा सादर केला,व इयत्ता ११ वी व १२ वी विद्यार्थिनींनी विठू रुक्माई च्या गाण्यावर नृत्य सादर केले तसेच विद्यार्थिनींनी फुगड्या खेळून कार्यक्रमाचा आनंद घेतला.शाळेचे शिक्षक अजय कुंभार यांनी विठू रुक्माई ची कथा सांगितली तसेच कला शिक्षक श्रावण सूर्यवंशी यांनी अभंग गायला.
आभार प्रदर्शन मयुरी पवार यांनी केले तसेच यावेळी सर्व शिक्षक शिक्षकेतर कर्मचारी उपस्थित राहून कार्यक्रम यशस्वी पार पडला.
