नंदुरबार l प्रतिनिधी
आंतरराष्ट्रीय कृष्णभावनामृत संघ (इस्कॉन) तर्फे जगन्नाथपुरीला जशी श्री जगन्नाथ रथयात्रा निघते त्याप्रमाणे भारतातील विविध ठिकाणी रथयात्रा काढली जाते, नंदुरबार शहरात देखील गेल्या दोन वर्षांपासून श्री जगन्नाथ रथयात्रा निघत असून यावर्षी दिनांक १० जुलै रोजी दुपारी दोन वाजता श्री मोठा मारुती मंदिरापासून श्री जगन्नाथ रथयात्रा काढण्यात येणार आहे. रथयात्रेची पूर्णाहुती, सत्संग आणि भंडारा प्रसाद संजय टाऊन हॉल याठिकाणी सायंकाळी ७:३० वाजता होणार आहे.
रथयात्रेचा प्रारंभ दुपारी दोन वाजता मोठा मारुती मंदिर पासून जळका बाजार, सोनार खुंट, गणपती मंदिर, अहिल्याबाई विहीर, द्वारकाधिश मंदिर, हाट दरवाजा, नेहरू पुतळा, नगरपालिका, आमदार कार्यालय, अंधारे चौक मार्गे संजय टाऊन हॉल याठिकाणी सायंकाळी ७:३० वाजता पूर्णाहुती होईल तद्नंतर संजय टाऊन हॉल सभागृहात सत्संग, नाटिका, भोजन-प्रसाद होईल. तरी सर्व नंदनगरीतील भाविक भक्तांनी श्री जगन्नाथ रथयात्रेत रथ ओढून पुण्यप्राप्त करावे आणि सत्संग आणि भोजन- प्रसादाचा लाभ घ्यावा असे आवाहन श्रीमान माधव श्यामसुंदर दास, आंतरराष्ट्रीय कृष्णभावनामृत संघ (इस्कॉन) नंदुरबार यांनी केले आहे.