नंदुरबार l प्रतिनिधी
नंदुरबार लोकसभेची मतमोजणीसाठी दोन दिवस बाकी असतानाच तळोदा तसेच चिनोदा येथे भाजपाच्या उमेदवार डॉ.हिना गावित यांचे भावी केंद्रीय म्हणून केलेला उल्लेख असलेले पोस्टर लागले आहे.त्यामुळे जिल्ह्यात एकच चर्चा आहे.
नंदुरबार लोकसभेसाठी 11 उमेदवारांनी नामांकन दाखल केले होते पैकी काँग्रेसचे ॲड.गोपाल पाडवी व भाजपाच्या डॉ. हिना गावित यांच्यातच चुरशीची लढत पाहायला मिळाली. त्यामुळे मतमोजणीकडे सर्वांचेच लक्ष लागून आहे.
नंदुरबार लोकसभेसाठी चार जून रोजी मतमोजणी होणार आहे. मतमोजणीला दोन दिवस बाकी असतानाच तळोदा शहरातील बिरसा मुंडा चौकात डॉ.हिना गावित प्रचंड मतांनी विजयी तर होणारच असा आशयाचे फलक लावण्यात आले आहे.
तिसऱ्यांदा खासदारकीची हॅट्रिक केल्यानंतर डॉ.हिना गावित यांना केंद्रात भाजपा सत्तेवर आल्यास मंत्रिपद नक्की मिळेल असे बोलले जात आहे. त्यामुळेच तळोदा येथे लावण्यात आलेल्या बॅनर वर भावी केंद्रीय मंत्री असाही उल्लेख करण्यात आला. त्यामुळे जिल्ह्यात या फलकाची चर्चा आहे. सदरचे बॅनर चिनोदा येथील उपसरपंच राजेंद्र पाटील यांनी लावला आहे.