नंदुरबार l प्रतिनिधी
लोकसभा निवडणुकीच्या अनुषंगाने डॉ.हिना गावित यांच्या प्रचारार्थ भारतीय जनता पार्टीचे प्रदेशाचे अध्यक्ष आ.चंद्रशेखर बावनकुळे हे नंदुरबार जिल्हयाच्या दौऱ्यावर येत असुन त्यांच्या उपस्थीतीत नंदुरबार लोकसभेतील प्रमुख पदाधिकाऱ्यांची कामकाजी बैठक आयोजित करण्यात आल्याची माहिती भाजपा जिल्हाध्यक्ष निलेश माळी यांनी दिली आहे.
या बाबत सविस्तर वृत्त असे की, लोकसभा निवडणुकीच्या प्रचारा वेग आला असुन सर्वत्र निवडणुकीची धामधुम सुरु आहे. महायुतीसह एनडीए घटक पक्षांचे नेते प्रचाराला निघाले आहेत. भारतीय जनता पार्टीचे प्रदेशाध्यक्ष आ.चंद्रशेखर वानवकुळे साहेब देखील आज 2 मे रोजी नंदुरबार जिल्हयाच्या दौऱ्यावर येत असुन श्री बावनकुळे यांच्या उपस्थीतीत नंदुरबार जिल्हयातील प्रमुख पदाधिकाऱ्यांची बैठक आयोजित करण्यात आली आहे.
सदर बैठक ही केवळ कामकाजी असुन यात मोजक्याच पदाधिकाऱ्यांना निमंत्रीत करण्यात आली आहे. या बैठकीला आदिवासी विकास मंत्री ना.डॉ.विजयकुमार गावित, भाजपा प्रदेश महामंत्री विजय चौधरी, खा.डॉ.हिना गावित, जिल्हा परीषद अध्यक्षा डॉ.सुप्रिया गावित, आ.राजेश पाडवी, आ.काशीराम पावरा यासह प्रमुख पदाधिकारी उपस्थीत राहणार आहे. असे जिल्हाध्यक्ष निलेश माळी यांनी कळविले आहे.