नंदुरबार l प्रतिनिधी
अखिल भारतीय दिगंबर जैन महासभेचे अध्यक्ष स्व.निर्मलकुमार सेठी यांच्या स्मृतिदिनानिमित्त जैन धरोवर दिवस अंतर्गत अध्यात्मिक चर्चासत्र आणि स्वच्छता अभियान आदी विविध सामाजिक उपक्रम राबविण्यात आले.
भारतवर्षीय दिगंबर जैन महासभा, तीर्थ संरक्षणी महासभा महाराष्ट्र प्रांत तसेच नंदुरबार दिगंबर जैन समाज यांच्यातर्फे जैन धरोवर दिवस निमित्त विविध उपक्रम राबविण्यात आले. यात माणिक चौकातील दिगंबर जैन मंदिरात अध्यात्मिक चर्चासत्र व श्रद्धांजली सभा घेण्यात आली.
तसेच श्री पार्श्वनाथ दिगंबर जैन तीर्थक्षेत्र पार्श्वगिरी ट्रस्टतर्फे भामेर येथील तीर्थक्षेत्री स्वच्छता अभियान राबविण्यात आले. अखिल भारतीय दिगंबर जैन महासभेचे उत्तर महाराष्ट्र अध्यक्ष सुरेश जैन यांच्या नेतृत्वा खाली पदम पाटोदी, अशोक काला, ललित अजमेरा, संजय झांजरी, जितेंद्र पहाडिया आणि युवक मोठ्या संख्येने सहभागी झाले होते.
