नंदुरबार l प्रतिनिधी-
महाराष्ट्र प्रदेश काँग्रेस कमिटीचे प्रांताध्यक्ष यांच्या सूचने नुसार नंदुरबार लोकसभा मतदारसंघातील इच्छुक उमेदवारांची नावे सुचविण्यासाठी नंदुरबार येथे माजी खासदार बापूसाहेब चौरे यांच्या अध्यक्षतेखाली बैठकीचे आयोजन करण्यात आलेले होते.नंदूरबार लोकसभेसाठी 9 जणांची नावे पाठविण्यात आली आहेत.
सदर बैठकीला माजी मंत्री आमदार अँड.के सी पाडवी, माजी मंत्री अँड .पद्माकर वळवी, नंदुरबार जिल्हा प्रभारी जिल्हा अध्यक्ष शिरीष कुमार नाईक तसेच नंदुरबार जिल्ह्यातील पक्षाचे ज्येष्ठ कार्यकर्ते उपस्थित होते.
सदर बैठकीमध्ये नंदुरबार लोकसभेतून काँग्रेस पक्षाची उमेदवारी करण्यास इच्छुक असलेले उमेदवारांबद्दल चर्चा करण्यात आली काँग्रेस पक्षाचे ज्येष्ठ नेते व माजी मंत्री वसंतराव पुरके नंदुरबार जिल्हा दौऱ्यावर आलेले असताना इच्छुक उमेदवारांची चर्चा करण्यात आली होती.सदर चर्चेनंतर काही उमेदवारांची नावे प्रस्तावित करून प्रांतिक कार्यालयाला पाठवण्यात आलेली होती असे असले तरी महाराष्ट्र प्रदेश काँग्रेस कमिटीने नंदुरबार जिल्हा काँग्रेस कमिटीला पुनश्चा आदेश देऊन नव्याने इच्छुक उमेदवारांची नावे सादर करण्याबद्दल सूचना दिलेली होती. त्यास अनुसरून या बैठकीमध्ये पुढील नावांची शिफारस प्रभारी जिल्हा अध्यक्ष शिरीष कुमार नाईक यांच्या स्वाक्षरीने व जिल्ह्यातील नेत्यांच्या मान्यतेने प्रदेश कार्यालयास सादर करण्यात आलेली आहेत.
यात आमदार अँड.के सी पाडवी,आमदार शिरीष कुमार नाईक. अँड पद्माकर वळवी, रजनीताई शिरीष कुमार नाईक, सीमाताई प्रफुल नाईक, बापूसाहेब चौरे, दिलीप शशीकुमार नाईक, रतन पाडवी, हारसिग मल्या पावरा यांची नावे सादर करण्यात आलेली आहेत.
