शहादा l प्रतिनिधी
पूज्य साने गुरुजी विद्या प्रसारक मंडळाच्या कला, विज्ञान व वाणिज्य महाविद्यालय, शहादा येथील राष्ट्रीय सेवा योजना एककातर्फे दत्तक गाव पुरुषोत्तमनगर येथे ‘ मेरी माटी मेरा देश’ या राष्ट्रीय अभियानांतर्गत ‘अमृत कलश संकलन यात्रेचे आयोजन करण्यात आले.
पुरूषोत्तम नगर गावातील घरोघरी जाऊन ग्रामस्थांनी एक मूठ माती कलशास अर्पण केली. अमृत कलश यात्रेस नागरिकां कडून उस्फूर्त प्रतिसाद मिळाला. संकलित केलेली माती दि. 25 ऑक्टोबर रोजी महाविद्यालयातून सोनू विजय कुसवाहा स्वयंसेवक दि. 31 ऑक्टोबर पर्यंत दिल्ली येथील कर्तव्यपथावर घेऊन जाणार आहे.
तिथे देशभरातील माती पंतप्रधान नरेंद्र मोदी यांच्या उपस्थितीत एकत्रित करून अमृत वाटिका तयार करण्यात येणार आहे.या उपक्रमाचे कौतुक पूज्य साने गुरुजी विद्या प्रसारक मंडळाचे अध्यक्ष दीपकभाई पाटील, उपाध्यक्ष जगदीश पाटील, सचिव श्रीमती कमलताई पाटील, समन्वयक प्रा. मकरंद पाटील, कृषी उत्पन्न बाजार समितीचे संचालक मयूरभाई दीपक पाटील, प्राचार्य डॉ.आर.एस.पाटील, उपप्राचार्य डॉ. एम. के. पटेल, डॉ. एस. डी. सिंदखेडकर यांनी केले आहे रासेयो कार्यक्रम अधिकारी डॉ. राजेंद्र पाटील, डॉ. वर्षा चौधरी, डॉ. वजीह अशहर व रासेयो स्वयंसेवकांनी अभियानाच्या यशस्वीतेसाठी प्रयत्न केले.
