नंदूरबार l प्रतिनिधी
तालुक्यातील भालेर गाव माहेर असलेल्या महिलेचा चाकण येथील सासरकडच्या लोकांकडून मानसिक व शारीरिक छळ करत विवाहिता महिलेस क्रूर वागणूक दिल्याने नंदुरबार तालुका पोलीस ठाण्यात सासरकडच्या पाच जणांवर गुन्हा दाखल करण्यात आला.आहे.
पोलीस सूत्रांनी दिलेल्या माहितीनुसार, नंदुरबार तालुक्यातील भालेर गाव माहेर असलेल्या महिलेचा चाकण येथील हेमंत हनुमंतराव पाटील यांच्याशी विवाह झाला होता. विवाह नंतर पुणे येथे फ्लॅट घेण्यासाठी सासरच्या मंडळीकडून विवाहिता महिलेने माहेरून 20 लाख रुपये आणावेत अशी मागणी होऊ लागली या कारणावरून महिलेला वारंवार सासरकडच्या मंडळीकडून मानसिक व शारीरिक छळ केला जाऊ लागला. हाता बुक्क्यांनी मारहाण करून वाईट शिवीगाळ करून जीवेठार मारण्याची धमकी देण्यात आली .
अखेर या छळाला कंटाळून विवाहिता महिलेच्या फिर्यादीवरून सात जुलै 2023 रोजी नंदुरबार तालुका पोलीस ठाण्यात पती हेमंत हनुमंतराव पाटील, सासरा हनुमंतराव भटा पाटील, सासुबाई पुष्पाबाई हनुमंतराव पाटील सर्व रा.चाकण अन ज्योती प्रवीण पाटील, प्रवीण रमेश पाटील रा. भोसरी या पाच जणांविरुद्ध भादवी कलम 498 अ 323 504 506 34 प्रमाणे विवाहिता महिलेस क्रूर वागणूक दिल्याप्रकरणी गुन्हा दाखल करण्यात आलाय पुढील तपास पोलीस नाईक आनंदा मोरे करीत आहे.
