नंदुरबार l प्रतिनिधी
नंदुरबार शहरातील मेहतर वस्ती ते भरवाड वाडा येथे दुचाकीचा धक्का लागल्याच्या कारणावरुन दोन गटात वाद झाला एकमेकांवर दगडफेक केली. तसेच पोलिसांवर देखील दगडफेक केल्याप्रकरणी जमावाविरुद्ध गुन्हा दाखल करण्यात आला आहे. यातील ९ जणांना अटक करण्यात आली आहे.
नंदुरबार शहरातील मेहतर वस्ती ते भरवाड वाडा परिसरात दुचाकीचा धक्का लागल्याच्या कारणावरुन दोन गटात वाद झाला. या वादातून बेकायदेशीररित्या जमाव जमवून लाठ्याकाठ्या घेवून एकमेकांवर दगडफेक केली. दरम्यान, कायदा आणि सुव्यवस्थेचा प्रश्न निर्माण होवू नये,यासाठी पोलीसांनी घटनास्थळी धाव घेतली. जमावाने शांततेचे आवाहन करणाऱ्या पोलीसांवरदेखील दगडफेक केली.
या दगडफेकीत परिसरातील वाहन व घरांचे नुकसान झाले. तसेच कर्तव्यावर असलेले पोलिस अधिकारी व अंमलदार हे शासकीय कर्तव्य बजाव असतांना दगड, विटा फेकून शासकीय कामात अडथळा निर्माण केला. याबाबत पोशि. प्रविण काशिनाथ वसावे यांच्या फिर्यादीवरुन नंदुरबार शहर पोलिस ठाण्यात अतुल मनिश संगत, दीपकुमार शिवनाथ जाधव, नरेंद्र राजू धावरे, अलकेश सुरेश हडारे, विवेक गंगाप्रसाद जाधव, भुरा पुनम जाधव, भरत आलाभाई भरवाड, प्रविण आलाभाई भरवाड, रुपाभाई धाराभाई भरवाड, हितेश विराभाई भरवाड, राहूल भोपाभाई भरवाड, निलेश भगतभाई भरवाड, विपुल भिमाभाई भरवाड,
राहूल गोपाभाई भरवाड, कैलास ओगळभाई भरवाड, दिनेश कमलेश भरवाड, रुपेश बोगाभाई भरवाड, आकाश अमर चव्हाण, प्रतिक भिमाभाई भरवाड, जयसिंग भरवाड, आकाश गोविंद थरवार, सुरेश मयाभाई भरवाड, अक्षय गोपाभाई भरवाड, यश राजेश कोहली, हिमांशू रवि कोहली, जय अनिल ढंढोरे, उदय प्रितम ढंढोरे, जय नारायण कोहली, विर बंटी ढंढोरे, हर्षू रवि कोहली, सुरज राकेश कोहली, पवन श्याम बेंडवाल, लख विश्वनाथ कोहली,
तिलक रवि कोहली, विकास राजेश कोहली, सिद्धार्थ कांतीलाल ढंढोरे, शक्ती नटवर कडोसे, सागर आंबेलाल बेडवाल, शाम काबा भरवाड व इतर १० ते १५ अनोळखी इसमांविरोधात भादंवि कलम ३५३, १४३, १४७, १४८, १४९, ४२७ सह महाराष्ट्र पोलिस अधिनियम कायदा कलम ३७ (१) (३) चे उल्लंघन १३५ प्रमाणे गुन्हा दाखल करण्यात आला आहे. पुढील तपास पोलिस उपनिरीक्षक विकास गुंजाळ करीत आहेत.
