नंदुरबार l प्रतिनिधी
जिल्हा मजूर फेडरेशनच्या सभापतीपदी अंकुश विक्रम पाटील तर उपसभापतीपदी रमेश भुता भोई यांची बिनविरोध निवड करण्यात आलेली आहे. शिवसेनेचे संपर्कप्रमुख तथा माजी आमदार चंद्रकांत रघुवंशी यांच्या गटाने यंदा देखील मजूर फेडरेशनवर वर्चस्व प्रस्थापित केले आहे.
जिल्हा मजूर फेडरेशनची निवडणूक प्रक्रिया नुकतीच पार पडली होती. त्यानंतर सभापती व उपसभापती निवडण्यासाठी धुळे रस्त्यावरील मजूर फेडरेशनच्या कार्यालयात निवड प्रक्रिया घेण्यात आली यासाठी प्राधिकृत अधिकारी म्हणून जिल्हा उपनिबंधक श्रीमती भारती ठाकूर यांनी कामकाज पाहिले त्यांना सहाय्यक उपनिबंधक नीरज चौधरी यांनी सहाय्य केले. निवड प्रक्रिया सुरू झाल्यानंतर सभापती पदासाठी अंकुश विक्रम पाटील तर उपसभापती पदासाठी रमेश भुता भोई यांच्या एकमेव नामांकन प्राप्त झाल्याने त्यांची बिनविरोध निवड जाहीर करण्यात आली.
बिनविरोध निवड झाल्यानंतर सभापती अंकुश पाटील व उपसभापती रमेश भाई यांच्या शिवसेनेचे संपर्कप्रमुख तथा माजी आमदार चंद्रकांत रघुवंशी यांनी सत्कार केला. यावेळी जिल्हा मजूर फेडरेशनचे संचालक दत्तू पाटील,संतोष पाटील,किशोर गिरासे, नथू पाटील,रेखा पाटील, हारसिंग पावरा,सुरेश इंद्रजीत, शशिकांत आगळे,अनिता पाटील, मनीषा पाटील,देवराम गावित आदी उपस्थित होते.
