नंदुरबार l प्रतिनिधी
धुळे येथील साक्री रोड परिसरातील रहिवासी असलेल्या महिलेला आत्महत्या करण्यास प्रवृत्त केल्याप्रकरणी तीन संशयितांविरोधात गुन्हा दाखल करण्यात आला आहे.
धुळे येथील साक्री रोड परिसरातील रहिवासी आशाबाई नागो मोरे (वय ४५)यांना त्यांची नात लक्षीका हिला भेटू न देता शहादा तालुक्यातील डोंगरगांव येथील जगन्नाथ कृष्णा शिंदे, पंकज जगन्नाथ शिंदे व मंजुषा रोशन मोरे यांनी शिविगाळ करुन मानसिक छळ केला.त्त्यांच्या या जाचाला कंटाळून आशाबाई मोरे यांनी आत्महत्या केल्याचे सुसाईड नोटमध्ये नमूद केले आहे.
याप्रकरणी भुषण नागो मोरे यांच्या फिर्यादीवरुन तिघा संशयितांविरोधात सारंगखेडा पोलीस ठाण्यात भादंवि कलम ३०६,३४ प्रमाणे गुन्हा दाखल करण्यात आला आहे.याप्रकरणी पुढील तपास पोलीस उपनिरीक्षक भगवान कोळी करत आहेत.
