नंदूरबार l प्रतिनिधी
नंदुरबार तालुक्यातील तलवाडे खुर्द शनिमांडळ येथे रामनवमी निमित्त पोटा संबंधित आजारासाठी आरोग्य शिबिर घेण्यात आले.
आरोग्य शिबिरात प्रसिद्ध डॉ.विजय पटेल यांच्यामार्फत पोटा संबंधित आजार जसे की मुतखडा,लघवी संबंधित आजार, हायड्रोसिल,हर्निया यासारख्या विविध आजारावर 40 जणांवर उपचार करण्यात आले .
यापैकी 6 रुग्णांवर मोफत शस्त्रक्रिया करण्यात येणार असून इतर रुग्णांना तात्पुरते औषध उपचार करण्यात आले, तसेच मोफत औषधी नंदुरबार तालुका केमिस्ट अँड ड्रगिस्ट असोसिएशन मार्फत उपलब्ध करून देण्यात आल्या होत्या. कार्यक्रमाचे अध्यक्ष व उद्घाटक नंदुरबार तालुका पोलीस निरीक्षक राहुलकुमार पवार यांची उपस्थिती होती.कार्यक्रम यशस्वीतेसाठी जयभद्रा ग्रुप मधील तरुणांनी परिश्रम घेतले, तसेच कार्यक्रमास गावातील ज्येष्ठ नागरिक व तरुण मंडळी यांची उपस्थिती होती.
