नंदुरबार | प्रतिनिधी
स्पर्धेच्या युगात पराभवाला न घाबरता स्पर्धेत सहभागी होणे महत्वाचे असून विद्यार्थांनी पारितोषिक मिळाले नाही तरी नाराज न होता. सहभागी होणे महत्वाचे आहे. तसेच परीक्षा बाबत तणाव न घेता त्याला समोरे जा असे सांगत जि.प.अध्यक्षा डॉ. सुप्रिया गावित यांनी विद्यार्थांना प्रेरित केले. तसेच चित्रकला विषय बाबत त्यांचा विद्यार्थी दशेचे अनुभव स्पर्धकांना सांगितले.
तर आमदार राजेश पाडवी यांनी बालपणी शिक्षणासाठी आश्रमशाळेत कसे शिकलो तसेच शिक्षण कसे उपयुक्त असते याबाबत विद्यार्थ्यांशी संवाद साधत असताना सांगितले की, मी पण एक सर्व सामान्य कुटुंबाचा विद्यार्थी होतो पण अभ्यासाकडे लक्ष केंद्रित केल्यास यश निश्चित मिळते असे सांगत मार्गदर्शन केले. प्रधानमंत्री नरेंद्र मोदी यांच्या संकल्पनेतून परीक्षेवर चर्चा या कार्यक्रम अंतर्गत जिल्हा परिषदेचे अध्यक्षा डॉ.सुप्रिया गावित तसेच शहादा-तळोदा मतदार संघाचे आमदार राजेश पाडवी व मान्यवरांचे उपस्थितीत घेण्यात आला. यावेळी उद्घाटक म्हणून जिल्हा परिषदेच्या अध्यक्षा डॉ.सुप्रिया गावित तर प्रमुख अतिथी म्हणून आमदार राजेश पाडवी उपस्थित होते.
देशाचे पंतप्रधान नरेंद्र मोदी यांनी २०१८ पासून परीक्षेपूर्वी परीक्षेवर चर्चा या कार्यक्रमांतर्गत विद्यार्थ्यांशी थेट संवाद साधत त्यांच्यावरील परीक्षेचा कालावधीत येणारा ताण तणाव कमी करण्यासाठी आपले अनुभव सांगून विद्यार्थ्यांना प्रोत्साहित करणे या उपक्रमाचा उद्देश होता. हा एक अतिशय उपयुक्त असा उपक्रम विद्यार्थ्यांच्या परीक्षेच्या काळातील ताणतणाव मुक्त करण्यासाठी उपयुक्त ठरत आहे. या कार्यक्रमांतर्गत चित्रकला स्पर्धेचे आयोजन करण्यात आले आहे. यावेळी डॉ.शशिकांत वाणी, माजी उपनगराध्यक्षा भाग्यश्री चौधरी, दाज्या पावरा कैलास चौधरी, रामानंद ठाकरे, दीपक पाडवी, प्रतापपुर शाळेचे मुख्याध्यापक हेमलाल मगरे, नारायण ठाकरे, शिरीष माळी उपस्थित होते.
सदर कार्यक्रम तळोदा येथील शिक्षण महर्षी प्राचार्य भाईसाहेब गो.हू.महाजन व शी. ल.माळी कनिष्ठ महाविद्यालयात पार पडला. या कार्यक्रमाचे सूत्रसंचलन सुरेश जोहरी व आभार प्रदर्शन सुनिल सूर्यवांशी यांनी केले. स्पर्धेचे निवड समिती म्हणून कलाशिक्षक संकेत माळी, सुरेश जोहरी, अमोल टवाळे, व्ही.टी.वसावे, आकाश टवाळे, इंद्रसिंग राजपूत यांनी काम पाहिले. कार्यक्रम यशस्वीतेसाठी प्राचार्य अजित टवाळे यांच्या मार्गदर्शनाखाली पर्यवेक्षक ए.एल.महाजन, कार्यालयीन अधीक्षक डी.पी.महाले आदींनी सहकार्य केले.
