सारंगखेडा l प्रतिनिधी
सारंगखेडयाचा अश्व बाजार कोटीच्या कोटी उड्डाणं घेतंय . पहिल्याच आठवडयात अश्वांच्या खरेदी विक्रीतून एक कोटीपेक्षा जास्तीची उलाढाल झाली . यावर्षी या अश्व बाजारात चार ते पाच कोटी रुपयांची उलाढाल होण्याची शक्यता वर्तवलीय . विशेष म्हणजे या वर्षी भव्य दिव्य आयोजन सारंगखेड्यात मोठ्या आर्थिक उलाढालीला कारणीभूत ठरतंय .
सारंगखेडा येथील घोडे बाजार जातिवंत घोड्याचा खरेदी विक्रीसाठी प्रसिध्द आहे . त्याच प्रमाणे किमंती घोडयांची खरेदी विक्रीही या ठिकाणी होत असते . यावर्षी सारंगखेडा घोडे बाजारात लाखो रुपये किमतीचे अश्व विक्रीसाठी दाखल झाले आहेत . तर घोडे बाजारात येणारे अश्वप्रेमीही या महागड्या घोडयांना पाहण्यासाठी दाखल होत आहेत .आज शनिवारी यात्रोत्सवासह अश्व बाजारात गर्दी दिसून आली . त्यामुळे पोलीस प्रशासनानेही चोख बंदोबस्त ठेवला होता . यात्रेतील खरेदी .विक्री तेजीत होती . अश्व बाजारात दोन हजार अश्व दाखल झाले आहेत . शेरा नावाचा देखणा अश्व रुबाबदार ,पाढरा शुभ्र , दोन हजार घोडयांमध्ये सर्वात उंच असा त्याचा रुबाब हा अश्व मारवाड जातीचा आहे . त्याला पाहण्यासाठी गर्दी होत आहे . आता पर्यंत अश्व बाजारात ३४० अश्वांची विक्रीतून एक कोटी रुपयांची उलाढाल झाली आहे .
अश्व बाजारात कोटीचा कोटी उड्डाण
घोड्यांची किमंत लाखोच्या घरात का असते ? असा प्रश्न अनेकांना पडला असेल . यावर अश्व जाणकारांकडून मिळालेल्या माहीतीप्रमाणे घोड्यांची उंची , रंग , त्यातील शूभ लक्षणे आणि ब्लड लाईन यावर घोड्यांची किमंत ठरत असते . इतके महागडे घोडे विकत घेणे अनेक अश्व प्रेमींना शक्य नसते . त्यामुळे देशभरातील अश्वप्रेमी या घोडयांना पाहण्यासाठी येथील चेतक फेस्टिव्हलला हजेरी लावत असतात . असे रुबाबदार अश्व आपण आज पर्यंत कुठेही पाहिले नसल्याचे अश्वप्रेमींनी सांगितले . अश्व स्पर्धा सुरु होतील त्यावेळेस एक कोटी पासून ते दहा कोटी पर्यंतचे अश्व असतील असे आयोजकांनी सांगितले .
