शहादा l प्रतिनिधी
अखिल भारतीय धोबी समाज महासंघातर्फे चिपळूण (जि.रत्नागिरी ) येथे झालेल्या कोकण विभागीय मेळाव्यात समाजाभिमुख कार्याबद्दल येथील माजी शिक्षण समिती सभापती,माजी नगरसेवक,पत्रकार लोटन धोबी यांना राष्ट्रीय स्तरावरील समाज भूषण पुरस्काराने सन्मानित करण्यात आले आहे.
चिपळूण येथे झालेल्या सोहळ्यात सन्मानपत्र व सन्मानचिन्ह राष्ट्रीय अध्यक्ष कृष्णकुमार कनोजिया यांच्या हस्ते देवून त्यांना सन्मानीत करण्यात आले.या प्रसंगी राष्ट्रीय उपाध्यक्ष एकनाथराव बोरसे ,उद्योजक राजूशेठ आहेर (नासिक),श्रीमती रेखाताई रमाकांत कदम (भाईंदर- मुंबई), सुरेश नासिककर (माजी उपमहापौर पुणे) ,राजाभाऊ उंबरकर (अमरावती),प्रदेश उपाध्यक्ष शांताराम कदम, राष्ट्रीय युवाध्यक्ष कैलास कनोजिया, युवा प्रदेश अध्यक्ष रवी राऊत, माजी नगराध्यक्षा सौ.सावित्री होमकळस (चिपळूण) सौ.सुषमाताई अमृतकर(अमरावती), नगरसेवक सोनल शिंदे (धुळे), नासिक विभागीय युवा अध्यक्ष संतोष वाल्हे,संतोष भालेकर(पिंप्री-चिंचवड ) आदी मान्यवर पदाधिकारी ,कार्यकर्ते मोठ्या संख्येने उपस्थित होते.श्री.धोबी यांना समाजाच्या वतीने राष्ट्रीय समारंभात समाजभूषण पुरस्कार प्रदान करण्यात आल्याने शहादा शहर व परिसरातील विविध क्षेत्रातील मान्यवरांनी अभिनंदन केले आहे.
