नंदुरबार l प्रतिनिधी
नंदुरबार ते शनिमांडळ रस्त्यावर ट्रकने धडक दिल्याने मुलगी ठार झाल्याची घटना घडली. याप्रकरणी ट्रक चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नर्मदाबाई या त्यांची मुलगी दिपाली व मुलगा सागर यांना शाळेत सोडण्यास गेल्या होत्या. यावेळी प्रफुल्ल मंगलसिंग जाधव याने त्याच्या ताब्यातील १० चाकी ट्रक (क्र.एम.एच.३९ एडी १५९२) रस्त्याच्या परिस्थितीकडे दुर्लक्ष करुन भरधाव वेगात ट्रक चालवून रस्ता ओलांडणाऱ्या दिपाली हिला धडक दिल्याने त्यात ती ठार झाली.
अपघातानंतर ट्रक चालक घटनास्थळावर ट्रक सोडून पसार झाला. याबाबत संजय धर्मा सोनवणे यांच्या फिर्यादीवरुन नंदुरबार तालुका पोलिस ठाण्यात प्रफुल्ल जाधव याच्याविरोधात भादंवि कलम ३०४ (अ), २७९, ३३७, ३३८, ४२७ सह मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक योगेश चौधरी करीत आहेत.
