जादूटोणाच्या संशयातून महिलेस मारहाण

नंदुरबार  l

धडगाव तालुक्यातील केली येथे जादूटोणा केल्याच्या संशयातून महिलेस मारहाण केल्याप्रकरणी दोघांविरोधात गुन्हा दाखल करण्यात आला आहे.

याबाबत पोलिस सूत्रांनी दिलेल्या माहितीनूसार, धडगाव तालुक्यातील केली येथील सकाबाई रेहम्या वसावे या जादूटोणा करुन माणसे व गुरांना मारुन टाकते. या संशयावरुन सकाबाई वसावे यांना काल्ला नाना वसावे व कोमल्या काल्ला वसावे यांनी हाताबुक्यांनी मारहाण केली.

तसेच शिवीगाळ करीत जिवेठार मारण्याची धमकी दिली. याबाबत सकाबाई वसावे यांच्या फिर्यादीवरुन धडगाव पोलिस ठाण्यात दोघांविरोधात महाराष्ट्र नरबळी व अमानुष अघोरी विद्या कृत्यांना प्रतिबंध अधिनियम २०१३ चे कलम ३ (२), भादंवि कलम ३२३, ५०४, ५०४ , ३४ प्रमाणे गुन्हा दाखल करण्यात आला आहे. पुढील तपास पोलिस निरीक्षक गोकुळ औताडे करीत आहेत.