नंदूरबार l प्रतिनिधी
नंदुरबार तालुक्यातील नाशिंदा फाट्याजवळ ट्रॅक्टरने सायकलीला धडक दिल्याने मुलाचा मृत्यू झाल्याची घटना घडली. याप्रकरणी ट्रॅक्टर चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील नाशिंदा येथील महेश्वर निंबा पाटील (वय १५) हा मुलगा सायकलीने नाशिंदा फाट्याजवळून जात होता.
यावेळी सुनिल बाबु ठाकरे याने त्याच्या ताब्याटील ट्रॅक्टर रस्त्याच्या परिस्थितीकडे दुर्लक्ष करुन भरधाव वेगात सायकलीला धडक दिल्याने महेश्वर पाटील हा युवक गंभीर जखमी झाल्याने त्याचा मृत्यू झाला. याबाबत संतोष आनंदा पाटील यांच्या फिर्यादीवरुन नंदुरबार तालुका पोलिस ठाण्यात सुनिल ठाकरे याच्याविरोधात भादंवि कलम ३०४(अ), २७९, ३३७, ३३८, ४२७, मोटार वाहन कायदालम १३४/१८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक कमलाकर चौधरी करीत आहेत.
