नंदुरबार l प्रतिनिधी
शहादा तालुक्यातील कोठली शिवारात अनाधिकृतपणे वीज चोरी केल्याप्रकरणी हॉटेल चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील कोठली येथील देवेंद्र संतोष खैरनार यांचे कोठली शिवारात उज्वला रेस्टॉरंट व मिनरल वॉटरचे दुकान आहे.
सदर दुकानात महावितरणचे वीज मीटरची तपासणी केली असता थ्री-फेज सर्व्हीस वायर अनाधिकृपणे टॅपिंग करुन स्वतंत्र थ्री-फेज कटआऊटला जोडलेली आढळून आले.
सुमारे २० महिन्यांपासून वीज चोरी केल्याप्रकरणी महावितरणचे सहाय्यक अभियंता बकुळ रामदास मानवटकर यांच्या फिर्यादीवरुन सारंगखेडा पोलिस ठाण्यात देवंद्र खैरनार याच्याविरोधात भारतीय विद्युत अधिनियम २००३ चे कलम १३५ प्रमाणे गुन्हा दाखल करण्यात आला आहे. पुढील तपास पोना.रोहिदास सोनवणे करीत आहेत.
