नंदुरबार l प्रतिनिधी
शहरातील गुरुकुल नगरात चोरट्यांनी घरफोडी करत सोने-चांदीचे दागिने असा सुमारे सव्वा लाखाचा ऐवज चोरुन नेल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार येथील उमाकांत राजाराम पाटील यांचे गुरुकूल नगरात घर आहे. सदर बंद असलेल्या घराचे दोन्ही दरवाजाचे कुलूप उघडून चोरट्यांनी आत प्रवेश केला.
यावेळी घरात असलेल्या गोदरेज कपाटाचे लॉकर तोडून त्यातील १ लाख २० हजार रुपये किंमतीचे ३५ ग्रॅम सोन्याचे दागिने, ५०० रुपये किंमतीची चांदीची लक्ष्मीची मुर्ती व दीड हजाराची रोकड असा एकूण १ लाख २२ हजाराचा ऐवज चोरुन नेला.
याबाबत उमाकांत पाटील यांच्या फिर्यादीवरुन नंदुरबार शहर पोलिस ठाण्यात अज्ञाताविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास पोलिस उपनिरीक्षक प्रविण पाटील करीत आहेत.
