नंदूरबार l प्रतिनिधी
नंदुरबार तालुका विधायक समितीचे शिवदर्शन विद्यालय व कनिष्ठ महाविद्यालय भालेर ता.नंदूरबार येथे वृक्षदिंडी व वृक्षारोपण सोहळा उत्साहात पार पडला.
भालेर ता.नंदूरबार केंद्र प्रमुख वसंत पाटील, विद्यालयाचे प्राचार्य आर. एच. बागुल व विद्यालयाचे पर्यवेक्षक व्ही. जे.पाटील यांच्या शुभ हस्ते वृक्षदिंडीचे उद्घाटन करण्यात आले.इयत्ता पाचवी ते इयत्ता बारावी पर्यंत सर्व विद्यार्थ्यांनी हरित सेना अंतर्गत गणवेश परिधान केले होते व रॅलीचे आयोजन करण्यात आले.
इयत्ता दहावीच्या विद्यार्थ्यांनी ‘झाडे लावा झाडे जगवा’ असा संदेश देत पथनाट्यसाद सादर करण्यात आले विद्यार्थ्यांची पथनाट्याची सर्व जबाबदारी व तयारी विद्यालयातील कलाशिक्षक एन.बी.पाटील, एन.जी.पाटील,डी. टी. मोरे यांनी पार पाळली.
यावेळी नंदुरबार तालुका पोलीस ठाण्याचे पोलीस निरीक्षक राहुल पवार, सहाय्यक पोलिस निरीक्षक कमलाकर चौधरी, कृषी उत्पन्न बाजार समितीचे माजी सभापती दिनेश विक्रम पाटील, भालेरचे उपसरपंच गजानन पाटील, नगावचे सरपंच अधिकार पाटील, गावातील मान्यवर तसेच सर्व शिक्षक वृंद शिक्षक इतर कर्मचारी उपस्थित होते.
कार्यक्रमाचे प्रमुख वक्ते पोलीस निरीक्षक राहुल पवार यांनी वृक्ष संवर्धना विषयी माहिती दिली. विद्यालयातील उपशिक्षक सुनील. डी. मोरे यांनी आभार मानले.यावेळी शाळेचे शिक्षक,शिक्षकेत्तर कर्मचारीव विद्यार्थी उपस्थित होते. कार्यक्रम यशस्वीतेसाठी सर्व शिक्षक व शिक्षकेतर कर्मचाऱ्यांनी परिश्रम घेतले.
