नंदूरबार l प्रतिनिधी
शहादा धडगांव रस्त्यावरील चिखली फाट्यावर म्हसावद येथे सार्वजनिक जागी टाटा कंपनीचा दहा चाकी मोठा ट्रालात ९ लाख ६३ हजार रूपयाची अवैध दारू म्हसावद पोलीसांनी पकडली असून पाच आरोपीविरोधात गुन्हा नोंद होवून दोन आरोपीना अटक करण्यात आली आहे तर तीन आरोपी पळून गेले.
याबाबत अधिक माहिती अशी की, गुरूवारी सकाळी शहादा धडगाव रोडवर चिखली फाट्यावर अवैध दारूचा ट्राला पकडण्यात आला. यात 9 लाख 63 हजार 600 रूपये किंमतीचे खाकी रंगाचे पुट्ट्याचे एकुण 730 बॉक्स, त्यावर National Distilleries Corlim-Goa असे छापील असलेले,
त्यात प्रत्येकी बॉक्स मध्ये 12 नग प्लास्टीकची 750 मिलीची बाटली, तिचेवर GOLDEN ACE Blue Fine WHISKY व किंमत 110 रूपये,35 लाख रु. किं. चा एक टाटा कंपनीचा तपकीरी रंगाचा 10 चाकांचा ट्रक (क्र. UP 78 CT-5775) असा 44 लाख 63 हजार 600 रूपयाचा माल जप्त करण्यात आला. यातील संशयित आरोपी ट्रक चालक व क्लीनर हे वर नमुद वर्णनाचा किंमतीचा दारुबंदी गुन्ह्याचा माल अवैधरित्या कब्जात बाळगुन, त्याची चोरटी वाहतुक करतांना मिळुन आले.
यात संशयित आरोपी टोणी निकलाव मोरोईस रा. रुम नं. 212, मोटेहिल्ल, मडगांव, मार्गाओ, दक्षिण गोवा, प्रमोद कैलास शेळके, रा. मु. शिक्रापुर रोड, मारुती मंदीराजवळ, पिंपळे जगताप, चाकण, पो. करंदी, मंगल पावरा विशाल पावरा, अमृत पावरा,तिघांचे पुर्ण नाव व पत्ता माहित नाही. हे तीनही संशयित आरोपी मंगल पावरा, विशाल पावरा व अमृत पावरा असे सदर ट्रक एस्कॉर्ट करत, मागुन येत असतांना, त्यांना थांबवण्याचा प्रयत्न केला असता, ते त्यांच्याकडील गाडी (क्र. MH-43-BP-1562) न थांबवता. तेथुन पळुन गेले.
याबाबत म्हसावद पोलिस ठाण्यात महा. दारु बंदी कायदा कलम 65 (अ), 65 (ई), 83, 108 प्रमाणे पोहेका बहादुर बंडु भिलाला यांनी फिर्याद दिली असून गुन्ह्याचा पुढील तपास पोलीस निरीक्षक निवृत्ती पवार करीत आहे.
