नंदूरबार l प्रतिनिधी
महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांच्या मार्फत घेण्यात आलेल्या इ. १० वी च्या परिक्षेचा निकाल नुकताच जाहीर झाला असून यामध्ये एस.ए.मिशन हायस्कूल व कनिष्ठ महाविद्यालय येथील विद्यार्थ्यांनी परीक्षेत घवघवित यश प्राप्त केले.
दहावीच्या परीक्षेत महाविद्यालयाचा निकाल १०० टक्के लागला असून एकूण २११ विद्यार्थी प्रविष्ठ झाले होते, यामध्ये १२२ विद्यार्थ्यांनी विशेष प्राविण्य मिळवले असून ७१ विद्यार्थी प्रथम श्रेणीत उत्तीर्ण झाले.
या परीक्षेत पावरा प्रिया दिलवरसिंग ९०.८० टक्के, पाडवी वैष्णवी अजय ९०.४० टक्के, राठोड मृणाल अशोक ९०.२० टक्के, पाडवी कृतज्ञा कैलास ९० टक्के, वसावे ललिता सिताराम ८९.६० टक्के मिळवून या विद्यार्थ्यांनी यश प्राप्त केले.
या विद्यार्थ्यांचे संस्थेचे संचालक डॉ.राजेश वळवी, संस्थेचे चेअरमन रेव्ह.जे.एच.पठारे,शाळेच्या प्राचार्य सौ.नुतनवर्षा वळवी, उपमुख्याध्यापक व्ही.आर.पवार,पर्यवेक्षक वंदना जांबिलसा, पर्यवेक्षक मिनल वळवी,ज्युनिअर कॉलेजचे पर्यवेक्षक सी.पी.बोरसे,आदींनी कौतुक केले.
