नवापूर l प्रतिनिधी
जिल्ह्यात दोन ठिकाणी अशांतता पसरविण्यासाठी काही गटांकडून हिंसक कारवाया करण्यात आल्या होत्या. येत्या काळात सण उत्सवांच्या पार्श्वभूमीवर नवापूर शहरात शांतता अबाधित राहावी सण-उत्सव आनंदाने साजरे करण्यात यावे, यासाठी नवापूर पोलीस निरीक्षक बाळासाहेब भापकर यांच्या मार्गदर्शनाखाली शहराच्या मुख्य मार्गांवरून पथसंचलन करण्यात आले.
या पथसंचलनाची सुरुवात नवापूर पोलीस स्टेशन आवारातून करण्यात आली शहराच्या प्रमुख मार्ग शास्त्रीनगर, नारायणपूर रोड, लाईट बाजार, शिवाजी रोड, देवळफळी, दिगंबर पाडवी, सोसायटी मार्ग पुन्हा पोलीस स्टेशन येथे सांगता करण्यात आली.
या पथसंचलनात विसरवाडी पोलीस ठाण्याचे पोलीस अधिकारी नितीन पाटील, सहाय्यक पोलीस निरीक्षक निलेश वाघ, पोलीस उपनिरीक्षक अशोक मोकळ ,मनोज पाटील ,प्रवीण कोळी ,पोलीस हेडकॉन्स्टेबल निजाम पाडवी, पवन राजपूत ,प्रेम जाधव ,कैलास तावडे ,दिनेश कुमार वसुले, दादाभाई वाघ ,पंकज सूर्यवंशी ,विकास पाटील, योगेश थोरात ,दिलवर पावरा,जगदीश सोनवने,विकी वाघ यांच्यासह पोलिस कर्मचारी उपस्थित होते.
