नंदुरबार ! प्रतिनिधी
नंदुरबार जिल्हयात दाखल असलेला अखेरचा रुग्ण आज कोरोनामुक्त झाल्याने नंदुरबार जिल्हा तूर्त कोरोनामुक्त झाला आहे .
आतापर्यंत नंदुरबार जिल्हयातील ९ ५० रुग्णांचा मृत्यू झाला आहे . यात नंदुरबार तालुक्यातील ३८८ , शहादा तालुक्यातील २३५ , तळोदा तालुक्यातील ९९ , नवापूर तालुक्यातील १७८ , अक्कलकुवा तालुक्यातील २७ , धडगाव तालुक्यातील २३ रुग्णांचा समावेश आहे . जिल्हयात ३७ हजार ७०० रुग्ण कोरोनाबाधीत आढळून आले होते . यात नंदुरबार तालुक्यातील १६ हजार २२ , शहादा तालुक्यातील ११ हजार ६८६ , तळोदा तालुक्यातील ३ हजार ७८० , नवापूर तालुक्यातील ४ हजार १४५ , अक्कलकुवा तालुक्यातील १ हजार २०४ तर धडगाव तालुक्यातील ८६३ रुग्णांचा समावेश होता .
जिल्हयातील ३६ हजार ७५० रुग्ण कोरोनामुक्त झाले आहेत . यात नंदुरबार तालुक्यातील १५ हजार ६३४ , शहादा तालुक्यातील ११ हजार ४५१ , तळोदा तालुक्यातील ३ हजार ६८१ , नवापूर तालुक्यातील ३ हजार ९ ६७ , अक्कलकुवा तालुक्यातील १ हजार १७७ , धडगाव तालुक्यातील ८४० रुग्णांचा समावेश आहे . दरम्यान , जिल्हयात दाखल असलेला अखेरचा रुग्ण आज कोरोनामुक्त झाल्याने संपुर्ण जिल्हा कोरोनामुक्त झाला आहे . जिल्हयात कोरोना पॉझिटीव्हीटी रेट १६.४६ टक्के होता तर रिकव्हरी रेट ९ ७.६४ टक्के आहे . डेथ रेट २.३५ टक्के होता .
