नंदूरबार l प्रतिनिधी
20 व्या राष्ट्रीय अथेलेटिक्स स्पर्धेत नंदुरबारच्या प्रतीक पिंगळेला कांस्यपदक मिळाले त्याच्या यशाबद्दल राष्ट्रवादी काँग्रेस पक्षाचे जिल्हाध्यक्ष तथा जिजामाता शिक्षण संस्थेचे सचिव डॉ. अभिजीत मोरे यांच्या हस्ते त्याला गौरविण्यात आले .
अथेलेटिक्स फेडरेशन ऑफ इंडियाच्या वतीने दि . 2 ते 4 जून 2022 दरम्यान 20 वी राष्ट्रीय अथेलेटिक्स ज्युनिअर क्रीडा स्पर्धा नादियाद (गुजरात) येथे पार पडली .
या स्पर्धेत नंदुरबार चा खेळाडू प्रतीक दिलीप पिंगळे याने महाराष्ट्राचे प्रतिनिधित्व करत हातोडाफेक क्रीडा प्रकारात 63.91 मीटर हातोडाफेक करत तृतीय येण्याचा मान पटकवला.
या स्पर्धेत या पुर्वी महाराष्ट्राला कधीही पदक मिळाले नव्हते मात्र प्रतिकच्या रुपाने पहिल्यांदाच महाराष्ट्राने कांस्य पदक पटकावले आहे.
त्याच्या यशाबद्दल राष्ट्रवादी काँग्रेस पक्षाचे जिल्हाध्यक्ष तथा जिजामाता शिक्षण संस्थेचे सचिव डॉ. अभिजीत मोरे यांच्या हस्ते त्याला गौरविण्यात आले .प्रतीक पिंगळे याला क्रीडाशिक्षक प्रा डॉ मयूर ठाकरे, अथेलेटिक्स खेळाडू हेमंत बारी , भूषण चित्ते यांचे मार्गदर्शन लाभले.