नंदुरबार l प्रतिनिधी
धडगाव तालुक्यातील लेघापाणी येथे बाहेरील मुलगा दत्तक घेतल्याच्या कारणावरुन महिलेस डोक्यावर मारुन दुखापत केल्याप्रकरणी दोघांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, धडगाव तालुक्यातील लेघापाणी येथील लासूबाई रुमालसिंग नाईक यांना देविसिंग वारत्या नाईक व शेवंताबाई देविसिंग नाईक दोघे रा.लेघापाणी ता.धडगाव यांनी बाहेरील मुलगा दत्तक घेतला रक्ताच्या नात्यातील का नाही घेतला.
या कारणावरुन लासूबाई नाईक यांना शेवंताबाई नाईक हिने दगडाने डोक्याच्या मध्यभागी मारुन दुखापत केली. तसेच हाताबुक्यांनी मारहाण करीत शिवीगाळ व जिवेठार मारण्याची धमकी दिली.
याबाबत लासूबाई नाईक यांच्या फिर्यादीवरुन म्हसावद पोलिस ठाण्यात दोघांविरोधात भादंवि कलम ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास पोना.छोटूलाल पावरा करीत आहेत.
