नंदुरबार l प्रतिनिधी
गर्दीच्या ठिकाणी मुलींची छेड काढणाऱ्या टवाळखोरांना पोलीसांचा दणका दिला असून 164 युवकांना सक्त ताकीद देऊन सोडण्यात आले.
याबाबत अधिक माहीत अशी की, दि. 21 मे रोजी औरंगाबाद येथे एकतर्फी प्रेमातून एका माथेफिरू तरुणाने एक 19 वर्षीय कॉलेज तरुणीला ओढत नेऊन तिचा गळा चिरून खून केला होता , त्यामुळे औरंगाबाद शहरासह संपूर्ण महाराष्ट्रात खळबळ उडाली होती .
औरंगाबाद सारख्या शहरात भरदिवसा तरुणीचा निघृण खून झाल्यामुळे पालकांमध्ये भितीचे वातावरण निर्माण झाले होते .
सदर घटनेच्या पार्श्वभुमीवर नंदुरबार जिल्ह्यात कोणताही अनुचीत प्रकार घडू नये म्हणून पोलीस अधीक्षक , नंदुरबार पी . आर . पाटील यांनी नंदुरबार जिल्ह्यातील गर्दीच्या ठिकाणी व बाजार पेठांमध्ये टवाळखोर करणाऱ्या युवकांविरुद्ध पोलीस ठाणे स्तरावर महिला पोलीस अधिकारी व महिला अमलदार यांचे एक पथक तयार करुन एक विशेष मोहिम राबवून कारवाई करणेबाबतचे आदेश
सर्व • पोलीस ठाणे प्रभारी अधिकारी यांना मासिक गुन्हे बैठकीत दिले होते . त्याअनुषंगाने दिनांक 21 ते 27 मे 2022 पर्यंत नंदुरबार जिल्ह्यात विशेष मोहिम राबवून नंदुरबार शहर पोलीस ठाणे -18 , नंदुरबार तालुका पोलीस ठाणे 6 ,
उपनगर पोलीस ठाणे 10. नवापुर पोलीस ठाणे -25 विसरवाडी पोलीस ठाणे -19 , शहादा पोलीस ठाणे -11 . सारंगखेडा पोलीस ठाणे- 10. म्हसावद पोलीस ठाणे -14 , धडगांव पोलीस ठाणे 9 , अक्कलकुवा पोलीस ठाणे 20 , तळोदा पोलीस ठाणे . मोलगी पोलीस ठाणे 7 असे एकुण 164 युवकांवर गर्दीच्या ठिकाणी व बाजार पेठांमध्ये टवाळकी करुन मुलींची छेडछाड करणाऱ्या युवकांना संबंधीत पोलीस ठाण्याला आणून सक्त ताकीद देऊन सोडून देण्यात आले आहे .
तसेच सदर युवकांनी यापुढे अशा प्रकारचे कृत्य केले तर त्यांच्या पालकांना संबंधीत पोलीस ठाण्यात बोलावून त्यांना त्यांच्या पाल्याच्या कृत्याबद्दल समज देऊन त्यांच्या ताब्यात देण्यात येईल .
तसेच पुन्हा त्या युवकांनी तिसऱ्या वेळेस देखील अशा प्रकारचे कृत्य केले तर त्याचेविरुध्द् कठोर कायदेशीर कारवाई करण्यात येईल . तसेच सदरची मोहिम भविष्यात अजून प्रभावीपणे राबविण्यात येणार आहे .
त्यामुळे सर्व पालकांनी आपल्या पाल्यांना मुलींची छेडछाड करण्यापासून परावृत्त करावे असे आवाहन नंदुरबार जिल्हा पोलीस दल व नंदुरबार जिल्ह्याचे पोलीस अधीक्षक , नंदुरबार पी . आर . पाटील यांनी सर्व पालकांना केले आहे .
