नंदूरबार l प्रतिनिधी
गुजरात राज्यातील निझर तालुक्यातील जुना कुकरमुंडा जवळील तापी पुलावरून नापास होण्याच्या भीतीने महाविद्यालयीन विद्यार्थिनींनी तापी उडी मारून आत्महत्या करण्याचा प्रयत्न केला.
याबाबत अधिक माहिती अशी की, युवती घरून बसमध्ये बसून गुजरात राज्यातील निझर तालुक्यातील वेलदा टाकी जवळ उतरली तेथून चालत चालत जुना कुकरमुंडा जवळील तापी नदीच्या पुलावर गेली.
५० ते ६० फूट तापी नदीच्या पुलावरून तिने खोल पाण्यात उडी मारली.दरम्यान तापी नदीमध्ये प्रचंड पाणी होते. युवती बुडत असल्याचे पाहून पुलावरील लोकांनी आरडाओरड केली.
त्यानंतर नदीपात्रात मासेमारी करणाऱ्या तरुणांनी तिला वाचण्यासाठी जलद गतीने तीन युवकांनी मुलीच्या दिशेने बोट नेली. हवेच्या प्रचंड वेग असल्याने तिला वाचवण्यासाठी शर्थीचे प्रयत्न करावे लागले.
त्यानंतर नदीत बुडत असलेल्या युवतीला बोटीवर घेतले. मच्छिमार करणाऱ्या तरुणांनी तीचे प्राण वाचवले.तिला बाहेर काढून तिला रुग्णवाहिकेतून निझर येथील सरकारी रुग्णालयात दाखल करण्यात आले. युवती सुखरूप असून तिची ओळख पटली आहे.
अक्कलकुवा तालुक्यातील गंगापूर गावातील वीस वर्षीय तरुणी पार्वती रवींद्र पाडवी असे युवतीचे नाव आहे. अक्कलकुवा येथे एस.वाय.बी.ए चे शिक्षण घेत होती.15 जून 2022 रोजी परीक्षा होती.
तिचा अभ्यास न झाल्याने नापास होण्याच्या भीतीने तिने आत्महत्या करण्याचा प्रयत्न केल्याची माहिती सूत्रांनी दिली आहे.महाविद्यालयातील प्रशासनाने आत्महत्या करू नये व परीक्षेची भीती दूर करण्यासाठी समुपदेशन करणे गरजेचे आहे. विद्यार्थ्यांनी आत्महत्याची टोकाची भूमिका घेऊ नये सर्व परिस्थितीत मार्ग काढता येतो.संयमाने आणि धैर्याने काम घ्यावे.
