नंदुरबार | प्रतिनिधी
अक्कलकुवा येथे पँसेजर गाडी भरण्याचा वादातून एकावर चाकू हल्ला करून दुखापत केल्याची घटना घडली आहे. याप्रकरणी एकाविरूध्द गुन्हा दाखल करण्यात आला आहे.
याबाबत पोलीससुत्रांनी दिलेल्या माहितीनुसार, अक्कलकुवा शहरातील बसस्थानकाजवळ ज्योतीष दिनेश वळवी हा त्याची इकोगाडी (क्र.एम.एच.१५- ई.एक्स. २८७९) त्याच्या नंबरने पँसेजर भरत असतांना संशयीत आरोपी जहिर हुसेन बलोच याचा गाडीचा नंबर नसतांना तो गाडीत पँसेजर भरू लागला.
यावेळी ज्योतीष वळवी याने याबाबत विचारणा केली असता त्याने शिवीगाळ करीत त्याच्या ताब्यातील चाकूने फिर्यादीच्या तोंडावर वार केला तसेच गाडीत असलेल्या डेंगार्याने पाया मांडीवर मारून दुखापत केली.
याठिकाणी इतर वाहन चालक अशोक पाडवी, सागर रविंद्र वळवी यांनी भांडण सोडविले. त्याठिकाणी जहिर बलोच याचा मित्राने त्याची इकोगाडी तेथून घेवून गेला. दरम्यान जखमी ज्योतीष वळवी याला तनवीर पाडवी व सागर वळवी यांनी अक्कलकुवा ग्रामीण रूग्णालय येथे उपचारासाठी दाखल केले.
याप्रकरणी ज्योतीष दिनेश वळवी रा.घंटाणी (ता.अक्कलकुवा) याच्या फिर्यादीवरून जहिर जाकीर हुसेन रा.अक्कलकुवा याच्या विरूध्द अक्राणी पोलीस ठाण्यात भादंवि कलम ३०७, ५०४ प्रमाणे गुन्हा दाखल करण्यात आला आहे. याप्रकरणी पुढील तपास सपोनि राजेश गावीत करीत आहेत.