नंदूरबार l प्रतिनिधी
नंदुरबार रेल्वे स्थानकावर नंदुरबार लोकसभा मतदार संघाच्या लोकप्रिय खासदार डॉ.हीना विजयकुमार गावित यांच्या प्रयत्नाने रॅक पॉईंट सुरू करण्यात आले असून आमदार डॉ. विजयकुमार गावित यांच्या हस्ते आज दि.७ मे शनिवार रोजी त्याचे उदघाटन करण्यात आले.
नंदूरबार जिल्ह्यातील शेतकऱ्यांना लागणारे खते आधी दोंडाईचा येथे रॅक पॉईंट वर उतरत असे.यावेळी उद्घाटन प्रसंगी आमदार डॉ. विजयकुमार गावित म्हणाले की, , नंदुरबार रेल्वे स्थानकावर रेल्वे रॅक पॉईंट येण्यासाठी खा. डॉ.हीना गावित यांनी पाठपुरावा केला. आज या रॅक पॉईंटमुळे शेतकरी बांधवाना खत मिळण्यास सोयीचे होणार असून स्थानिकांना रोजगार देखील मिळणार आहे. खत, रासायनिक खते देखील याच रॅक पॉईंटवर येणार आहे. त्यामुळे वाहतूकीचा खर्च वाचून वेळही वाचणार आहे.यापूर्वी दोंडाईचा येथे रॅक पॉइंट होता, खा. डॉ. हीना गावित यांनी सातत्याने केलेल्या पाठपुरावाला यश आल्याने रॅक पॉइंटला नंदुरबार येथे मंजुरी मिळाली असून व्यापाऱ्यांनी खासदार डॉ हिना गावित यांचे विशेष आभार मानले.
यावेळी आरसीएफचे मार्केटींग ऑफीसर संदीप शिरसाठ, भाजपा तालुका अध्यक्ष दीपक पाटील, रेल्वे सल्लगार समिती सदस्य जवाहरलाल जैन, मोहन खानवानी, गोपी उत्तमानी, भरत माळी, दुर्गेश राठोड, सुभाष पानपाटील नगरसेवक आनंद माळी, लक्ष्मण माळी, संतोष वसईकर, एकनाथ पाटील, आदी मान्यवर उपस्थित होते.
आरसीएफचे अधिकारी संदीप शिरसाठ यांनी सर्वांचे आभार मानले. यावेळी शहरातील व्यापारी देखील उपस्थित होते. रेल्वे रॅकमुळे आमचा वेळ वाचेल, असे व्यापा-यांनी सांगितले.