नंदुरबार l प्रतिनिधी
अक्कलकुवा शहरातील शिक्षक कॉलनीत चोरीची दुचाकी फिरवितांना आढळून आल्याने गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, अक्कलकुवा शहरातील शिक्षक कॉलनीत शेख एजाज शेख चांद (रा.संजय नगर, अक्कलकुवा) हा त्याच्या ताब्यातील दुचाकी (क्र.एम.एच.३९ एसी ०९२१) फिरवित असतांना पोलिसांना पाहून तो पळून जातांना आढळून आला. त्यास पकडून दुचाकीबाबत विचारले असता उडवाउडवीची उत्तरे दिली. याबाबत पोशि.गिरीष सांगळे यांच्या फिर्यादीवरुन अक्कलकुवा पोलिस ठाण्यात शेख एजाज शेख चांद याच्याविरोधात भादंवि कलम १२४ प्रमाणे गुन्हा दाखल करण्यात आला आहेे. पुढील तपास पोना.जगदिश गांगुर्डे करीत आहेत.