तळोदा l प्रतिनिधी
दुपारच्या सुमारास खेळत असताना झाड अंगावर कोसळून बारा वर्षीय बालकाचा दुर्दैवी मृत्यू झाल्याची घटना मंगळवार दुपारी साडेबारा वाजेच्या सुमारास तळोदा शहरातील एकलव्य पुतळ्याजवळ घडली.नयन अविनाश माळी अस मयत बालकाचे नाव आहे.नयन हा एकुलता एक मुलगा असल्याने त्याच्या अशा प्रकारे अपघाती मृत्यू झाल्यानें त्याच्या कुटुंबावर दुःखाचा डोंगर कोसळला आहे.
याबाबत पोलिस सूत्रांनी दिलेल्या माहितीनुसार, तळोदा शहरातून नंदुरबार कडे जाणाऱ्या बायपास बायपास रस्त्या लगत असणाऱ्या एकलव्य पुतळा परिसरात दुपारी साडेबारा एक वाजेच्या सुमारास खेळत होता. त्याच दरम्यान ती मुले ज्या झाडाखाली खेळत होती ते झाड अचानक कोसळले.या अपघातात झाडाखाली खेळत असणाऱ्या बालकांपैकी नयन अविनाश हिवरे (वय १२ वर्ष) हा बालक दाबला गेला व त्याचा या अपघातात दुर्दैवी मृत्यू झाला. झाडाखाली नयन दाबला गेला असल्याचे लक्षात घेता आजीबाईच्या नागरिकांनी तात्काळ त्याला झाडाखालून बाहेर काढण्याचा प्रयत्न केला व त्यानंतर त्याला दवाखान्यात उपचारासाठी आणले परंतु सूत्रांकडून मिळालेल्या माहितीनुसार यांचा जागीच मृत्यू झाल्याचे समजते.
या अपघातात झाडाखाली बोरेलो ( क्र. एम एच.19.एपी. 2275)ही झाडाखाली दाबली जाऊन तीचे देखिल मोठ्या प्रमाणात नुकसान झाले आहे.
मयत नयन अविनाश हिवरे हा बालक व त्याचे कुटुंबीय तळोदा शहरातील मगरे चौक परीसरात राहते.मयत नयन हा सहावीच्या वर्गात शिकत असून तो मामांकडे नेहमी प्रमाणे खेळण्यासाठी आला असतांना काळाने त्याच्यावर घाला घातला.दरम्यान याप्रकरणी तळोदा पोलिस ठाण्यात अकस्मात मृत्यूची नोंद करण्यात आली असून पुढील तपास पोलीस हवालदार सुधील गायकवाड करत आहे.
