नंदुरबार l प्रतिनिधी
धडगाव तालुक्यातील पौला येथे पोलिस ठाण्यात फिर्याद दिल्याच्या कारणावरुन आई-वडीलांसह मुलाला लाकडाने मारहाण केल्याप्रकरणी चौघांविरुद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, धडगाव तालुक्यातील पौला येथील हान्या तेरक्या पाडवी यांनी रुल्या रामा तडवी यांच्या नातेवाईकांविरोधात पोलिस ठाण्यात फिर्याद दिली. या कारणावरुन हान्या पाडवी यांच्यासह वडील तेरक्या झिंग्या पाडवी, आई कर्मीबाई तेरक्या पावरा यांना रुल्या रामा तडवी, दिनेश रुल्या पाडवी, सामा मालसिंग पाडवी व सुरेश हुन्या पाडवी सर्व रा.पौला ता.धडगाव यांनी लाकडाने मारहाण करुन दुखापत केली. तसेच शिवीगाळ करीत जिवेठार मारण्याची धमकी दिली. याबाबत हान्या पाडवी यांच्या फिर्यादीवरुन धडगाव पोलिस ठाण्यात चौघांविरोधात भादंवि कलम ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास पोना.दीपक वारुळे करीत आहेत.
