नवापूर । प्रतिनिधी
उच्च न्यायालयाने एसटी कर्मचार्यांना 22 एप्रिलपर्यंत कामावर हजर होण्याचे आदेश दिले आहेत. त्या अनुषंगाने नवापूर आगारातील कर्मचारी 18 एप्रिलपासून कामावर हजर होणार आहेत. मात्र, नवापूर बस आगारातील 85 एसटी कर्मचार्यांवर कारवाई करण्यात आली आहे. त्यांना कामावर घेण्यात यावे, यासंदर्भात विभाग प्रमुखांना निवेदन देण्यात आले आहे. त्यामुळे कामावर हजर राहण्याबाबत नवापूर आगारातील कर्मचार्यांना अडचण निर्माण झाली आहे.
गेल्या पाच महिन्यांपासून संपावर असलेल्या एसटी कर्मचार्यांना 22 एप्रिल 2022 पर्यंत कामावर हजर राहण्याचे आदेश न्यायालयाने दिले आहेत. त्यानुसार 18 एप्रिल 2022 पासून नवापूरचे सर्व कर्मचारी कामावर हजर होणार आहेत.
मात्र नवापूर बस आगारातील 85 एसटी कर्मचार्यांवर संपकाळात कारवाई करण्यात आली आहे. या 85 एसटी कर्मचार्यांनाही विभाग प्रमुखांना कामावर हजर करून घेण्यासंदर्भातचे निवेदन देण्यात आले आहे. धुळे विभाग कार्यालय येथे सदर कर्मचार्यांनी आपला अर्ज सादर केला आहे. तेथून निर्णय आल्यावरच ते कामावर रुजू होणार असल्याची माहिती ज्येष्ठ एसटी कर्मचारी आहे यांनी दिली आहे.
